Fast so süess wie du - Desserts you need to try in Thailand
Als Mensch wo nach jedem Znacht no was Süesses brucht, hani mich au mit de Desserts in Thailand schnell ahgfründet. Dass ihr die nöd...
top of page
WINNIE ON TOUR
Im Summer 2023 hani min Job kündet, mini Wohnig kündet und mis Auto verkauft um One-Way uf Thailand z flüge. Sit denn bini in Südostasie unterwegs und lebe wortwörtlich min Traum. Die schönste Stränd, feinste Brunch, krässiste Partys, schönste Dinner, lustigste Lüt und beste Erfahrige.
Da ich eh scho uf IG gekonnt overshare aber leider nüme nah chume mine geliebte Friends und Family innere ahständige Zit antworte und update hani beschlosse de Blog ahfange zum mini Highlights zemefasse.
Zuesätzlich bini selber immer dankbar über gueti Empfehlige und Tipps und möcht mini Erfahrige entsprechend andere wo froh drüber sind ebefalls gern witerteile.
REISEROUTE 2023/24
Thailand, Malaysia, Bali - wo gahts als nächsts ane?
Sept 23, HuaHin
Okt 23 Chiang Mai
Okt 23 Pai
Okt 23 HuaHin
Nov 23 Kuala Lumpur
Nov 23 Koh Samui
Nov 23 Koh Phangan
Dez 23 Koh Tao
Dez 23 Koh Samui
Dez 23 Phuket
NYE 24 PhiPhi Island
Jan 24 Phuket
Jan 24 Krabi
Jan 24 Bali
Winona Lila
oder eifach Winnie, wenns der nöd merke chasch
23, gebore und ufgwachse in Winterthur. Biz basic und vo Social Media verblendet aber susch ganz cool.
De Blog isch entstande durch eh Reis woni im September 23 gstartet han. Reisetipps, Empfehlige, Esse und Ihdrück werdet authentisch und wahrheitsgetreut (ih minere delulu Reality) teilt.
Ich liebe Reise, Esse, Gym, Meer, Strand, Skincare, Carpool, Snowboarde, Gstalte, Musik, Party, Koche, Backe, Plane, Matcha, Organisiere, Dekoriere, Lese, Shoppe, Sunne, Festivals, Sport, neus Lerne & usprobiere und vieles vieles meh... irgendwie tatsächlich fast alles im Lebe.
Wasi nöd so gern ha isch Unehrlichkeit, narzisstischs Verhalte und Schnegge. Obwohli für s'zweite denn doch eh schüchi Faszination han und mich mitem Dritte in Thailand ha müsse "ahfründe".
Very funny, delulu, chaotisch, schüch verwirrt, aktiv, dramatisch, neugierig, freiheitsliebend, tollpatschig, ehrgizig, wyld, impulsiv, spontan, im Film, redseelig, offe, ehrlich, lebensfroh, kreativ, energievoll, und EXTRA
mit dene Wörter beschriebet mich mini Friends obwohl s'eint oder andere nöd ganz minere Selbstreflektion entspricht.
bottom of page